Mining operation, ginapatigayon sa isa ka protected area sa Antique

Bombo Radyo Philippines
Friday, 14 October 2011 14:20

ILOILO CITY– Ginpamatukan subong sang mga residente sa Brgy. San Roque, Libertad, Antique ang ginapatigayon nga mining operation sa ila lugar.

Sa nakuha nga impormasyon sang Bombo Radyo Iloilo, nagsugod subong nga semana ang mining operation kag timporaryon nga nauntat sang maglaslas ang bagyo Ramon.

Ginpahayag sang isa sa mga pumuluyo sa lugar nga si Nelly Cabado nga nagakahangawa sila sa mangin epekto sang mining activity ilabi na nga nasakop sini ang gindeklarar nga protected area sa ila lugar nga North-West Panay Peninsula Natural Park nga suportado sang isa ka presidential decree.

Isa sa mga ginakahangaw-an sang mga residente sa lugar ang posibilidad sang landslides sa tion nga magpadayun ang mining activity sa lugar.

Gin-akusahan naman sang mga residente ang alkalde sang ila banwa nga si Mayor Berting Palma Reymundo nga amu ang nagatinguha nga matigayon ang pagmina sa pihak sang ila pagpamatok.

Sakop sang mining operation ang 120 ektarya sang lupa sa nasambit nga lugar.

Source:
Mining operation, ginapatigayon sa isa ka protected area sa Antique